Episode 25: Trojan War

Nasa kwarto sina Katie at Melanie. Pinapakinggan nila ang kanta ni Aries na "Northern Downpour" na ni-record ni Katie sa cellphone niya kani-kanina lang sa veranda.


MELANIE: Hay naku! Ang ganda-ganda ng kanta binaboy lang ng Aries na yan!

KATIE: Grabe ka namang makapanglait kay Aries. May boses naman siya kahit paano.

MELANIE: Naku...pagsabihan mo yang boyfriend mo ah! Boses niya pang-suspend ng klase! Babagyo na bukas!

KATIE: Sayang naman...dedicated pa naman sa'yo 'tong kanta na ito ni Aries..


Natigilan si Melanie...


MELANIE: Ha? Ano? Pakiulit?

KATIE: Sabi ko dedicated 'to sa'yo ni Aries.

MELANIE: Ano? Sa akin? At bakit naman sa akin? Hindi naman niya ako gf or something! Dapat sa'yo niya dinedicate yan!


Napayuko si Katie. Noong mga oras na 'yon, gusto niyang aminin na kay Melanie ang "pagpapanggap" nila ni Aries...


Pero pinigilan niya ang sarili...


KATIE: Bale...ano...peace offering nya 'to sa'yo. Alam niyang mahilig ka sa Panic! na kanta..ayun.

Pero sa mga tingin ni Melanie kay Katie, may suspetsa si Melanie na di iyon ang ibig sabihin ni Katie...


May itinatago si Katie sa kanya...pero di na lang niya ito inusig pa...


MELANIE: Ganun? Pakisabi sa boyfirend mo..thanks...but no thanks!


Isang Wednesday ng umaga...P.E. class ng merge class ng Psych 2A at 2B pati na mga BM na freshies...at mga Econ na freshies (siyempre di mawawala si Eunice dito). Basketball ang P.E. nila.


CHERUB: Grabe nuh! Biglaan ang pagkamatay ni Marky Cielo! Nakakagulat.

CORRINE: Oo nga eh. Idol ko pa naman siya...

MIGUEL: Sus! At least nanalo naman ako sa pustahan na mananalo si Pacquiao sa boxing! Hahaha!

DESTINY: Teka...guys...naalala ko nung mini-debut ni Katie sa dorm...parang...parang na-predict ni Aling Ester ang pagkamatay ni Marky Cielo...di ba, Katie?

KATIE: Oh? Talaga?

MELANIE: Ay..oo nga..Naalala ko! Noong nagpapahula nun si Vomer kung sino ba mananalo sa laban ni Pacquiao at Dela Hoya...


ALING ESTER: Pero teka...may trahedya akong nakikita...isang kilalang tao ang mamamatay...ngayong darating na December...


ARIES: Naku! Wag nga kayong magpapaniwala dun sa Tita kong yon! Naka-tsamba lang na tumama hula niya nuh!


ROSE ANN: Ano nga kaya ikinamatay nun ni Marky Cielo?

GWYNETH: Feeling ko nagpakamatay yun eh!

KATIE: Or baka pinatay?

LAHAT: Ha? Sino namang papatay dun kay Marky Cielo?

KATIE: Ah...eh...si Aling Ester?...para magkatotoo ang hula niya.. :p


At nagsimula na nga ang lesson nila sa P.E. Naisipan ng P.E. instructor nila na si Sir Samson na paglabanin sila sa isang laro...


SIR SAMSON: Ok, class... Magkakaroon tayo ng one-on-one na labanan. Mga lalake muna maglalaro.


SIR SAMSON: Aries...ikaw ang isasalang ko sa unang laro ah!

ARIES: OK sir. Sige po!

SIR SAMSON: Ok...sino gustong lumaban kay Aries?

VOMER: Sir ako po!


Napatingin ang lahat kay Vomer...lalo na sina Katie.


SIR SAMSON: OK...sige Vomer!


Nagkatinginan sina Aries at Vomer. May galit na tinignan ni Vomer si Aries. Samantalang nakangiti lang si Aries...


At naramdaman ni Sir Samson na nangangamoy-away sa gym kaya pinigilan niya na ito.


SIR SAMSON: Boys, don’t conduct unsporstmanship here in gym.


Hawak ni Sir Samson ang bola sa kanang kamay niya. Nakatingin lahat ng estudyante sa mga maglalaro.


ARIES: Hindi, sir. Huwag kayong mabahala. Ipapakita namin sa mga kaklase namin ang malinis at walang bahid ng kadayaang paglalaro ng basketball.


At bigla na lang, kinuha ni Aries ang bola kay Sir Samson at sinimulan na niya itong i-dribble. Naisipan naman ni Sir Samson na maging referee ng laban.


Mataman namang nanonood sina Katie sa laban...


LORRAINE: Mukhang magiging interesting ang laban na ito. This game would be a fight for love... di ba, Katie?

KATIE: Ha?! Ano?!

MELANIE: Tama! Aries vs. Vomer. Iaalay nila ang puso nila sa laban kaalit ay tagumpay!

KATIE: Hih! Tigilan niyo nga yang pinagsasasabi niyo!


Sinubukan ni Vomer na agawin ang bola kay Aries. Habang binabantayan si Aries...


VOMER: Ngayon Kuya Aries...alam kong nilalaro mo ang laban na ito para kay Ate Katie...pwes...hinding-hindi ako magpapatalo sa'yo! Tatalunin kita sa harap mismo ni Ate Katie...


Habang dinidribol naman ni Aries yung bola...


ARIES: Melanie...ipapanalo ko ang larong 'to para sa'yo...


At sinubukan agawin ni Vomer ang bola kay Aries kaya binalibag ni Aries ang bola palayo. Hinabol ni Vomer ang bola ngunit mabilis din itong nahabol ni Aries.


Nang makuha ni Aries ang bola, tumakbo nang mabilis si Aries papunta sa ring at sabay shoot ng bola. Palakpakan ang mga tao…lalo na ang mga babae.


Kahit irita naman si Melanie kay Aries, di niYa naiwasang mamangha at makipalakpak din sa galing ni Aries.


Di naman alam ni Katie kung sino ang papanigan sa dalawa.


Si Vomer naman ngayon ang may hawak ng bola. Dinidribol ni Vomer ang bola papasok sa pagitan ng kanyang dalawang binti papunta sa likod niya habang binabantayan siya ni Aries.


Napa-WOW si Katie kay Vomer...


At akmang isho-shoot na ni Vomer ang bola kaya hinarang siya ni Aries...pero "fake" ang ginawa ni Vomer. Sa halip na i-shoot, dinribol niya ulit ito palayo kay Aries at papunta sa ring at nag-lay up ito. Pasok ang tira ni Vomer.


Palakpakan ulit ang mga kaklase nila. Marami na ring iba pang estudyante ang nakiusyoso sa laban nila. Ang iba sa mga ito ay ang mga ka-boarding house nila sa Hotel Lakandula.


Habang kasagsagan naman ng laban nina Aries at Vomer, nasa gilid ng court sina Eunice at gay friends niya. Nagchi-cheer sina Eunice para kay Aries...


EUNICE: Go! Go Aries! Go! Go! Go!


At may hagis effect pang nalalaman sina Eunice. Hinagis si Eunice ng dalawang gayfriends niya sa ere habang nagchi-cheer...


Pagkahagis kay Eunice sa ere...


GAY FRIEND 1: Yehey! Uwian na!

GAY FRIEND 2: Tara, sistah! Uwi na tayo...


At umalis na ang dalawa...


EUNICE: Hoy! Mga gaga kayo! Saluhin niyo ko! Hoy! Hoy! Bumalik kayo dito!


OSPITAL NING ANGELES ang kinabagsakan ni Eunice pagkatapos ng insidenteng iyon.. :p


Samantala...marami pang maaksyon na nangyari sa laban nina Aries at Vomer...nagkatapalan ng bola, nagka-foul ang dalawa... Ngunit sa huli...si Aries pa rin ang nanalo sa laro sa score na 13-10.


Parehong pawisan ang dalawa pagkatapos ng laban nilang iyon.


Kinagabihan, sa Hotel Lakandula, habang nagdedecorate ng mga Christmas decoration si Ate Cherry, naging usap-usapan sa lounge ang laban nina Aries at Vomer...


RYE: Halimaw ka pala sa basketball, Kuya Aries!

ARIES: Di naman masyado..hehehe...

GLENNLLOYD: Magaling din yung naging laro ni Vomer kahit paano...

VICTOR: Ang aksyon ng laban niyo kanina ah! Pareho kayong inspired kay Ate Katie..hahaha!

JERICKA: Para kayong sina King Menelaus at Paris na pinag-aagawan si Helen sa Trojan War sa Greek Mythology ah!


At dahil medyo napipikon si Vomer sa usapan, lumabas ito at nagpunta sa veranda para mapag-isa...


ARIES: Hay...si Vomer talaga. Akala niya siguro eh si Katie ang pinapakitaang-gilas ko kanina sa laban kaya masyadong kinarir ang laro. Tsss...


Samantala, nasa cafeteria naman si Katie dahil magbabayad ito ng upa kay Aling Ester...


KATIE: Aling Ester...ito na po yung bayad ko sa upa. Sensya na po at natagalan...


Malamig ang tono ni Katie kay Aling Ester. Di niya pa rin kasi nalilimutan ang naging usapan nila ni Aling Ester noong isang linggo.


Kinuha ni Aling Ester ang pera at ginawan ng resibo si Katie. Ngunit di agad binigay ni Aling Ester ang resibo at sa halip ay kinausap si Katie...


ALING ESTER: Katie, iha... Galit ka ba sa akin dahil sa nasabi ko nung isang linggo sa'yo?

KATIE: Hulaan mo!!!


Ngunit di ito naiwika ni Katie at pinanatiling tikom ang bibig...


ALING ESTER: Pagpasensyahan mo na yung nasabi kong yon. Nakita ko naman na mukhang OK kayo ni Aries...you get along well together...ayun...


Nanatiling tahimik si Katie...


ALING ESTER: At masaya ako at kahit paano ay di na traumatized si Aries sa pag-ibig nang dahil sa'yo...


Ngumiti si Aling Ester kay Katie at sabay abot ng resibo. Nginitian naman din ni Katie si Aling Ester tanda ng pagpapatawad niya rito...


At napansin ni Katie na may 100 pesos na kalakip sa resibong binigay sa kanya ni Aling Ester...


Bago pa man makapagsalita si Katie...


ALING ESTER: Pamasko ko na yan sa'yo, Katie. (sabay ngumiti ito). Advance Merry Xmas...


KATIE: Advance Merry Xmas din po, Aling Ester! :)


TO BE CONTINUED...