Episode 22: Coffee Academy

VOMER: Pwede bang ako na lang ang mahalin mo at hindi na lang si Kuya Aries?


Natigilan sina Katie at Aries at napatingin ang lahat kay Vomer...


At bigla na lang, nagsuka si Vomer, bumagsak, at nawalan ng malay dahil sa kalasingan...


Binuhat siya ng mga lalakeng dormers at inihiga sa kama niya...


Nang matapos na ang party dahil sa nangyari kay Vomer, nag-usap sa kanilang kwarto sina Katie...


MELANIE: Di ko aakalain na ganyan pala malasing si Vomer.

LORRAINE: For sure, sa nangyari ngayon kay Vomer, di na ulit papayag si Aling Ester na mag-inuman dito...

IZEN: Pero, Ate Katie, mukhang type ka ni Vomer..uuyyy..

DESTINY: Uuuuyyy..nagagandahan sa kanya si Vomer.

KATIE: Naku, tumahimik nga kayo. Lasing lang yun kaya nagandahan sa akin...


Sa kwarto naman nina Aries. Ka-room ni Aries sina Vomer, Adan at GlennLloyd. Pinupunasan ni Adan si Vomer para linisin ito habang himbing ito sa pagtulog.


Nagbibihis naman si Aries nang biglang nagsalita si Vomer...


VOMER: Ate Katie...ang ganda mo talaga...hmmm... (at balik ito sa pagkakatulog)


At umecho sa isip ni Aries ang sinabi ni Vomer kanina kay Katie...


VOMER: Pwede bang ako na lang ang mahalin mo at hindi na lang si Kuya Aries?


GLENNLLOYD: Kuya Aries...buti di mo nasapak si Vomer kanina?

ADAN: Sabihan ba naman sa harap mo na siya na lang ang mahalin ni Ate Katie...kung ako yun masasapak ko yung lalakeng yun..

ARIES: Lasing si Vomer. Di niya alam pinagsasabi niya...naintindihan ko yun...


Pero tingin ni Aries..."meant" talaga ni Vomer na sabihin iyon kay Katie...


At naalala ni Aries ang usapan nila ni Vomer sa kwarto nila itong mismo...one week na ang nakakaraan...


FLASHBACK...


Nakaupo si Aries sa kama niya at naglalaro ng PSP. Nang bigla siyang kausapin ni Vomer...


VOMER: Kuya Aries...ang alam ko birthday na ni Ate Katie sa November 26 ah.

ARIES: Oh, talaga?

VOMER: Ha? Di mo alam?

ARIES: Ah...hindi...alam ko..nawaglit lang sa isip ko...

VOMER: May gift ka na ba sa kanya? Or plano na gagawin sa birthday niya?

ARIES: Eh...wala pa nga eh...

VOMER: May gusto sana akong i-suggest sa'yo...

ARIES: Ano naman yun?

VOMER: Debut na niya kasi nun sa 26. Ayun...naisip ko na ipaghanda natin siya kahit konti lang. Sorpresahin natin siya para sweet tignan... ayun...


BACK TO PRESENT...


Napaisip si Aries...


ARIES: Posible kayang may gusto tong kolokoy na Vomer na 'to kay Katie?


Kinabukasan, pagpasok sa room ng Comm 2 class niya si Aries, wala siyang makitang bakanteng upuan...


Hinanap niya sina Lorraine at Jericka na mga kaklase niya sa Comm 2 pero wala ring bakanteng upuan sa tabi nila...


Nang makita ni Eunice si Aries, tinulak ni Eunice ang katabi niyang gay friend sa upuan at plakda si gay friend sa sahig...


Sabay kaway si Eunice kay Aries...


EUNICE: Aries...dito sa tabi ko bakante...


At dahil nga wala nang ibang bakante, umupo doon si Aries. At sabay naman tayo si gay friend.


GAY FRIEND: Gaga ka! Saan naman ako uupo niyan?

EUNICE: Di ko na problema yun...

GAY FRIEND: Ah..ganun...


At bigla na lang kumandong si gay friend kay Aries at nag-beautiful eyes pa kay Aries...


Nagulat naman si Aries at lalong lumaki ang mga malalaki nang mata ni Eunice...


EUNICE: Dana! GET LOST!


Sabay tulak kay gay friend para umalis na sa pagkakakandong kay Aries...


GAY FRIEND: Che! Go to hell!


At bago umalis si gay friend, nagpa-cute muna ito kay Aries sabay labas ng room...


At kinausap na ni Eunice si Aries...


EUNICE: Hi Aries...maganda ba ko kagabi?

ARIES: Ha? Ah..eh..hindi---


EUNICE: Ano? Nag-diet ako't lahat-lahat, nagpatahi ng gown sa Versace, Dolce and Gavanna, nagparetoke kay Dra. Viki Belo at higit sa lahat...ako ang itinanghal na Miss UP 2008 tapos sasabihin mo lang.. (sabay umakting ito na parang naiiyak) ...hindi ako maganda...Huhuhu...


ARIES: Pwede ba kasi patapusin mo muna ako!

EUNICE: Wag ka nang magpaliwanag pa...huhuhu..

ARIES: Hindi ako nakanood kagabi..ok?


Natigil sa pag-akting si Eunice..


EUNICE: Ha? Hindi ka nanood?

ARIES: Hindi..kasi pinaghandaan ko ng mini-debut ang girlfriend kong si Katie kagabi. Birthday niya ngayon eh...

EUNICE: Ganun?

ARIES: Oo..


EUNICE: E di kung ganun pala...sayang lang ang pagpapagandang ginawa ko para sa'yo kagabi...Nag-diet ako't lahat-lahat, nagpatahi ng gown sa Versace, Dolce and Gavanna, nagparetoke kay Dra. Viki Belo at higit sa lahat...ako ang itinanghal na Miss UP 2008 tapos sasabihin mo lang.. (sabay umakting ito na parang naiiyak) ...hindi ka nagpunta...Huhuhu...


ARIES (pabulong): Kahit naman anong paganda mo mukha ka pa ring bading...

EUNICE: Ano? May sinasabi ka?

ARIES: Ang sabi ko ang laki ng mga mata mo ang bingi mo naman...

EUNICE: Hoy, excuse me! Hindi malaki ang mata ko...it's "protuberant"

ARIES: Pinaganda mo lang.."malaki" lang naman din ang ibig sabihin nun...


At dumating na ang prof nila sa Comm 2 class na si Ma'am Santos...


MA'AM SANTOS: Ok class, i will pass the attendance sheet. You will write your name and beside that, write your favorite line in a song... if you do not write any line, you will be mark as absent for this class..


Habang lumilibot ang attendance sheet, nagdi-discuss na si Ma'am Santos..


Kanya-kanyang lagay ang mga tao ng favorite line nila ng song..tulad ng...


"One Look and I'm mesmerize by your eyes"

"P.S. I Love You...Forever Ends Today"

"Tell me how I'm supposed 2 breathe with No Air?"

"You're on my heart just like a tattoo"


Nag-uusap naman sina Lorraine at Jericka ng ilalagay nila...


LORRAINE: Naiinis na talaga ako sa kalandian ng Eunice na 'yan. Boyfriend pa ng kaibigan natin ang nilalandi...

JERICKA: Malandi eh. Wala tayong magagawa...

LORRAINE: Ay, eto para sa babaeng malandi na yan..ito ang isusulat ko..


At ang sinulat niyang linya ng kanta sa attendance sheet:


"I hate the way you smile.. I hate those BIG BROWN EYES" (Crazy Love - Kim Chiu)


Nang na kay Eunice na ang attendance sheet, ito ang sinulat niya:


"I'm going crazy now. My mind is in disturbia."


At nakarating na kay Aries ang attendance sheet... Nang mabasa niya ang sinulat ni Eunice...natawa ito..


ARIES: Sabi ko na nga ba takas 'tong si Eunice sa mental hospital eh..hehe.



At sinulat niya ang favorite line niya sa isang kanta sa tabi ng pangalan niya..


"Mamase mamasa mamakusa. Mamase mamasa mamkusa" (Please Don't Stop The Music.. :p)


Samantala, kumakain naman sina Katie at Destiny sa Coffee Academy, isang canteen na isang pader lang ang pagitan sa parking lot ng UPEPP...


May radio na tumutugtog sa Coffee Academy...


KATIE: Alam mo Melai. Di pa rin ako makapaniwala sa sorpresa sa akin ni Aries kaninang hatinggabi. Parang fairy tale lang ang nangyari kagabi na debut ko...


MELANIE: Oo..fairy tale nga yung nangyari sa iyo kaninang hatinggabi. Yung Beauty and the Beast ba...ikaw si Beauty tapos si Aries yung Beast...hahaha


KATIE: Ang sama naman nito. Ba't ba galit ka pa rin kay Aries? Matagal na yung halikan blues na yun ah!


MELANIE: Kahit na..bastos pa rin ang ginawa niyang yun! Halikan ba ko sa harap ng maraming tao!


KATIE: Kalimutan mo na yun. Patawarin mo na siya. Alam mo Melai, mabait naman yun si Aries eh. Tsaka gwapo naman siya di ba? Swerte mo nga nahalikan ka na niya eh..

MELANIE: Tigilan mo nga yang sinasabi mo, Katie...kinikilabutan ako!


KATIE: Alam mo, bagay kayo ni Aries...maganda ka naman..gwapo naman siya..tapos pareho kayong mahilig sa music ng Panic! Magkakasundo nga kayo sakali mang maging magboyfriend kayo...

MELANIE: Teka..teka nga..ba't mo ba pinagduduldulan na bagay kami ni Aries? Boyfriend mo yun ah!

KATIE: Ah..eh..wala lang. Gusto ko lang naman kasi na magbati kayo. Gusto ko lang makita mo ang bright side ni Aries. Tulad nga ng sabi ni Eunice, Aries admits he have a dark side..but he have a bright side, too. Thank you!


MELANIE: Hay naku, gaya naman ng sabi ni Victor, ni-reregard ko sa buhay ko ang black na kulay para sa mga malulungkot at madidilim na karanasan ko sa buhay..tulad nang makilala ko si Ariestotle Aranas. Thank you!

KATIE: Grabe ka naman kay Aries...


At iniba ni Melanie ang usapan...


MELANIE: Maiba nga lang ako. Paano ba kayo nagkaligawan ni Aries ha? Nagulat na lang ako na kayo na pala nung first day ng second sem. Hindi ka man lang nagsasabi sa amin...


KATIE: Eh..basta...

MELANIE: SIge na...kwento mo na...para namang hindi ako friend nyan...

KATIE: Sige..kasi ganito yun...nagkita kami sa Gateway Mall nang di sinasadya nung birthday niya...tapos ayun kami na..

MELANIE: Ganun lang? Parang ang bilis...

KATIE: Eh, ganun talaga...


At um-echo sa isip ni Katie ang naging usapan nila ni Aries sa Gateway Mall noon..


KATIE: Oo na...sige na...payag na ko sa pagpapanggap natin na mag-bf tayo. At kapalit noon ay tutulungan kitang mapalapit kay Melanie..tama ba ko?

ARIES: Very well said! OK! Ayos!


At ayun nga ang ginagawa ni Katie...ibinibida niya kay Melanie si Aries... kahit na nasasaktan siyang gawin ito...


MELANIE: OMG.. look who's coming...


Napalingon si Katie sa pinto ng Coffee Academy. Kakapasok lang ni Vomer at papunta ito sa kanila.


Nang nasa table na nina Katie at Melanie si Vomer...


VOMER: Ate Melai..pwede po bang iwan niyo muna kami ni Ate Katie..may sasabihin lang ako sa kanya...

MELANIE: Ok... :)


At umalis nga si Melanie na nakangiting pang-asar. Nabalisa naman si Katie.


Umupo si Vomer sa kinauupuan kanina ni Melanie...


VOMER: Ate Katie...galit ka ba sa akin? Dahil sa kaninang madaling araw?

KATIE: Ha? Hindi. Lasing ka nun..kaya naiintindihan ko...

VOMER: Gusto ko sanang humingi ng sorry kahit paano..

KATIE: Ok lang yun. Ano ka ba..

VOMER: Tungkol nga pala sa nasabi ko kaninang madaling-araw...sorry pala dun..pakisabi na rin kay Kuya Aries.

KATIE: Oo..makakarating..


At natahimik silang dalawa. Napansin naman ni Katie na balisa si Vomer at parang may gusto pa itong sabihin pero hindi masabi...


KATIE: May sasabihin ka pa ba Vomer?

VOMER: Oo sana...

KATIE: Oo sana? Bakit?

VOMER: Di ko masabi eh..baka may mangyari pag sinabi ko...

KATIE: Ano ba kasi yun?

VOMER: Alam ko namang mali eh..pero ewan, Ate..

KATIE: Di kita ma-gets, Vomer..

VOMER: Yung tungkol sa huli kong sinabi sa iyo bago ako natumba kanina...yung kung pwede bang ako na lang ang mahalin mo at hindi na lang si Kuya Aries...

KATIE: Ano yung tungkol dun?


Bumuntong hininga si Vomer at sabay sabing..


VOMER: Kahit lasing ako nun..SERYOSO ako sa pagkakasabi ko dun...


Natigilan si Katie...


At tumugtog bigla sa radyo ang isang kanta...


Click PLAY to hear the song. I-play niyo para mas maka-relate kayo sa eksena..tsaka para may background music..hehehe..




Free MP3 Downloads at MP3-Codes.com



Nagpatuloy si Vomer...


VOMER: Alam ko namang mali 'tong nararamdaman ko kasi...kasi "kayo" ni Kuya Aries..kaya mangangako akong di ako manghihimasok sa relasyon niyo...Ang sa akin lang..gusto ko lang ipaalam ang nararamdaman ko para sa'yo...na mahalaga ka sa akin...na ikaw ang tinitibok ng puso ko...


At mula naman sa parking lot ng UPEPP, nakasilip si Aries kina Katie at Vomer...


TO BE CONTINUED...