Episode 17: Aries' Special Day

KATIE: Ano?

ARIES: Katie, tulad ni Ma'am Bunye...ayoko ng replay!


Narinig naman talaga ni Katie ang sinabi ni Aries tungkol sa suhestiyon nito na magpanggap. Di nga lang siya makapaniwala...


ARIES: Ayaw mo ba? Eh di wag... (may pagkasupladong sabi nito)


Sasagutin sana ni Katie si Aries pero biglang may tumigil na na jeep sa tapat nila. Sumakay na halos lahat maliban kay Aries...


DESTINY: Oh, Aries..ba't di ka sasakay?

ARIES: Hinatid ko lang kayo rito. Nasa parking lot yung motor ko. Sige, ingat kayo...

DESTINY: Hay naku, Aries. If I know...yung isang tao lang dito yung pakay mo kaya mo kami hinatid....


Sabay tingin si Destiny kay Melanie. Irap naman ang ginanti ni Melanie sa kaibigan. At sinimulan silang kantiyawan ng blockmates nila...


PSYCH 2A: Hiki! Hiki!

MIGUEL: Aries...sino ba talaga? Naguguluhan ako ah...si Katie ba o si Melanie?


Ngiti na lang ang sinagot ni Aries at siya'y umalis na patungo ng motorsiklo niya...


Sa bus pauwi ng Manila, tahimik si Katie habang nakatingin sa bintana ng bus na binabaybay ang kahabaan ng NLEX.


Inaalala niya ang sinabi ni Aries kanina...

************
ARIES: Katie...mukhang may kelangan tayong gawin ngayong nalaman natin na may mga mata pala si Girlie dito sa UPEPP..

KATIE: Ano naman yun?

ARIES: Magpanggap tayo na...na.... mag-boyfriend tayo....

************

KATIE: Ano naman ang pumasok sa isip nun at nai-suggest niya yun? Hay naku...tingin ko hindi naman siguro seryoso yong lalakeng yun sa sinabi nyang yun...


Napansin ni Melanie si Katie na nakatingin sa bintana kaya...


MELANIE: Hoy, friend! Emo ka dyan ah! Para kang gumagawa ng MTV ah!


***************

SEMBREAK na nila...

Nag-malling si Katie kasama ang high school friends niya na sina Mae at Darell sa Gateway.


Nasa Rustan's Department Store sila ng Gateway nang makakita si Darell ng Ferrero Chocolate...


DARELL: Hay naku! Favorite ko talaga 'tong Ferrero na 'to! (tinignan niya yung presyo) Diyos ko naman! Ang mahal naman! Hay naku...di bale, bibilhin ko pa rin ito!


At binili nga ni Darell yung Ferrero. At nang bayaran niya na ito, binuksan niya na agad ito...At nakita niyang nakatingin sina Katie at Mae sa kanya kaya...


DARELL: Sorry...bawal ang manghingi! Walang kaibi-kaibigan ngayon... (at nang-iinggit na kinain ito)


At nang kakagat na ulit si Darell sa chocolate...


KATIE at MAE: Darell! Wag mong kainin yan! Baka masira ngipin mo...

DARELL: Ha? Bakit naman? Dahil matamis 'tong chocolate?

MAE: Hindi...dahil baka may ginto kang makagat dyan! Ang mahal eh!


At naglaro sila sa TimeZone...nagshopping kahit na napakamahal ng mga bilihin sa Gateway...


Makalipas ang ilang oras, naisipan na nilang umuwi...


Sa escalator, nasa pababang escalator sina Katie. Pagtingin ni Katie sa paakyat na escalator, nagulat siya sa nakita....si ARIES...


Nakita rin siya ni Aries...kaya nang magkatapat sila sa escalator (si Katie sa pababa at si Aries sa paakyat), hinawakan ni Aries si Katie sa braso at madaling sinabi...


ARIES: Hintayin mo ako pagbaba mo!


At binitiwan na ni Aries ang braso ni Katie. Pagbaba naman nina Katie, nakita nila mula sa itaas na pababa na si Aries sa escalator...


MAE: Sino ba yang lalakeng yan, Katie?


Hindi naikwento ni Katie kina Mae at Darell si Aries...at kung sino si Aries sa puso niya kaya...


KATIE: Kaklase ko lang yan sa UPEPP. Di ko nga inaasahan na magkikita kami dito!

DARELL: Gwapo ah! :p


Pagbaba ni Aries, nilapitan niya si Katie na naghihintay sa kanya... Natigilan silang dalawa sandali...at pinakilala ni Katie sina Mae at Darell kay Aries...


KATIE: Uhm, Aries...sila nga pala sina Mae at Darell...friends ko.

MAE at DARELL: Hello!


Nginitian lang sila ni Aries. Tinignan ni Aries sina Darell at Mae at sinabi...


ARIES: Uhm, uuwi na ba kayo?

MAE: Oo...

ARIES: Ganun ba? Kung uuwi na kayo...mauna na kayo. Kailangan ko lang kausapin si Katie. Wag niyo na siyang hintayin... Magtatagal kami...

KATIE: Ano?!


Nagulat sina Katie, Darell, at Mae sa sinabing iyon ni Aries. Di alam nina Darell at Mae kung aalis ba sila o hindi...


Pinandilatan ng mata ni Katie sina Darell at Mae na parang sinasabi niya na...


KATIE: Huwag kayong umalis...kundi....


Sa kabilang banda, nginingitian ni Aries sina Mae at Darell na parang sinasabing...


ARIES: Sige na...alis na kayo...hehehe...


At dahil mas nakuha sa tingin ni Aries sina Darell at Mae...


DARELL: Uhm..sige. Katie, friend..una na kami ni Mae...

MAE: Uhm, oo nga. Sige friend. Nga pala...Aries..ingatan mo yang friend namin ah!


Nginitian sila ni Aries at umalis na sila. May mga malisya sa tingin nina Darell at Mae. Sigurado si Katie na iintrigahin siya ng mga kaibigan kinabukasan... Palihim itong nagmamaktol sa ginawang pang-iiwan sa kanya ng dalawa...


Nang makaalis na sina Mae at Darell...


KATIE: Aries...ano bang sinasabi mong pag-uusapan natin at kailangan mo pang pauwiin sina Mae at Darell?!

ARIES: Bakit...galit ka ba?

KATIE: Napakaimportante ba nyang sasabihin mo at kelangan---

ARIES: Dun tayo mag-usap...


At hinawakan ni Aries si Katie sa kamay hanggang makarating sila ng Food Express (food court)...


Kinilig si Katie nang hawakan ni Aries ang kanyang kamay....para ngang ayaw niya na 'tong ipahawak pa sa iba dahil gusto niyang manatili ang bakas ng hawak ni Aries...


At medyo nabitin siya nang bitawan na ni Aries ang kamay niya at umupo sila sa isang bakanteng mesa...


Nagtext si Aries sa cellphone niya bago niya kausapin si Katie...


ARIES: Anong gusto mong kainin?

KATIE: Bakit, ililibre mo ba ako?

ARIES: Hindi! Bakit naman kita ililibre? Girlfriend ba kita?

KATIE: Eh, ba't mo tinatanong kung gusto kong kumain? At bakit mo ko dinala dito sa food court?

ARIES: Para makapag-usap tayo...

KATIE: Ano ba kasing gusto mong pag-usapan natin? Get straight to the point nang makauwi na ko! Gumagabi na!


Bumuntong hininga muna si Aries bago ulit nagsalita...


ARIES: Napag-isipan mo na ba yung sinabi ko sa'yo nung last day ng sem? Yung tungkol sa pagpapanggap?


Nagulat si Katie. Naaalala pa pala ni Aries yun...


KATIE: Ha? Seryoso ka ba dun? Hindi ba...joke mo lang yun?

ARIES: Seryoso ako dun! Ako...pinag-isipan ko yun over the sembreak at kung ako sa'yo...papayag na ko.

KATIE: Aba! At bakit naman dapat akong pumayag?!

ARIES: Kasi...sigurado akong pinapabantayan ka ni Girlie sa pinsan niyang si Eunice kung talaga ngang mag-boyfriend tayo...


At naalala ni Katie ang mga pang-aasar ni Girlie sa kanya sa engkwentro nila sa MOA...


GIRLIE: Teka, Katie..ba't parang di mo yata kasama ang boyfriend mo? Or baka naman wala ka pa ring new boyfriend until now kasi di ka pa rin marunong humalik. Hahahahaahaha (tawang witch na yan)


GIRLIE: O baka naman..umaasa ka pa rin na makikipagbaliakn itong si Iggy ko dahil mahal mo pa rin siya or umaasa ka na mahal ka pa rin ni---


Nakaramdam ng "insecurity" si Katie sa ideyang aasarin siya nina Iggy at lalo na ni Girlie pag nalaman ni Girlie kay Eunice na di sila mag-on ni Aries...


Nai-imagine ni Katie na nanliit ang sarili niya habang inaasar siya ni Girlie tungkol kay Iggy...


Napansin naman ni Aries na napapaisip si Katie kaya...


ARIES: Ano...napag-isipan mo na ba?


Tinignan ni Katie si Aries. Medyo nagtataka ito sa ikinikilos nito...dahil sa pagkakakilala niya kay Aries, hindi ito ganun kasigasig na tulungan ang isang tao...kaya...


KATIE: Kung sakali mang pumayag ako...for sure eh may hihingin kang pabor sa akin. Tama ba ako?


Tama nga si Katie. Natumbok niya na kaya siya pinipilit ni Aries na pumayag na magpanggap sila ay dahil may hihingin itong pabor...


Napakamot ng ulo si Aries...


ARIES: Eh...Katie...ano kasi eh...


Sa loob-loob ni Katie, na-disappoint siya dahil akala niya ay concern talaga si Aries sa problema niya...yun pala ay may hihingin itong kapalit.


Pero iwinaglit ni Katie ang disappointment na ito at di ipinahalat kay Aries...


KATIE: Anong pabor yun?

ARIES: Si Melanie...di ba galit pa rin siya sa akin?

KATIE: So, gusto mong pagbatiin ko kayo ni Melanie...ganun?

ARIES: Parang ganun na nga...


At napansin ni Katie ang mga mata ni Aries...at dahil isang PSYCH student, nabasa niya ang sinasabi ng mga mata ng lalakeng kaharap...


KATIE: Teka...parang may kakaibang spark dyan sa mga mata mo... In-love ka ba kay Melanie?


Di agad nakasagot si Aries. Bumuntong-hininga pa ito at di alam kung ano ba ang isasagot...


At naalala ni Aries ang pagkakataon nung tinanong din siya ng ganito ng tita niyang si Aling Ester...at hindi rin siya sigurado sa sagot niya nun sa Tita niya...dahil sa sarili niya, di pa siya sigurado sa kung ano ba talaga ang nararamdaman niya para kay Melanie...


ARIES: Di ko alam (sabay kibit balikat) Siguro yata...

KATIE: Ano ba namang klaseng sagot yan.

ARIES: Hay naku...wag mo na nga akong intrigahin, para kang si Lolit Solis eh! Ano na? Payag ka na ba sa pagpapanggap natin?


Napaisip sandali si Katie sabay sagot...


KATIE: Oo na...sige na...payag na ko sa pagpapanggap natin na mag-bf tayo. At kapalit noon ay tutulungan kitang mapalapit kay Melanie..tama ba ko?

ARIES: Very well said! OK! Ayos!


Sabay ngiti si Aries nang pagkalaki-laki at nakipag-appear kay Katie...


ARIES: Oh, ano nang gusto mong kainin?

KATIE: Ai naku! Di mo naman ako lilibre eh!

ARIES: Kanina yun kasi di pa kita girlfriend...Pero ngayon, girlfriend na kita kaya ililibre na kita... :p


At nagkangitian sina Aries at Katie...


At dahil nakaupo sila malapit sa Dulcinea, dun na sila umorder ng tig-isang chocolate dessert at paella sabay balik sa kinauupuan nila...

CHOCOLATE DESSERT:

PAELLA:

At habang kumakain sila...


KATIE: Nga pala, ba't ka nga pala nandito sa Gateway?

ARIES: Katatagpuin ko sana sina Ate Ariana at Daddy eh. Kakain sana kami at manonood ng sine...pero mas pinili kong i-celebrate ang birthday ko na kasama ka...


Nabitawan ni Katie ang kubyertos na hawak...


KATIE: Birthday mo ngayon?

ARIES: Oo... (sabay ngiti)

KATIE: Ba't di mo man lang sinasabi! Tsaka sana nag-red ka para nagka-hint ako kahit paano na birthday mo... HAPPY BIRTHDAY!

ARIES: Salamat, Katie..

KATIE: Oh, hindi ka ba hinihintay ng Ate mo at Daddy mo?

ARIES: Hindi na... Nagtext na ko kay Ate Ariana na ipasyal na lang nila ng caregiver si Daddy.


At naalala ni Katie na may katext kanina si Aries bago sila nag-usap...


KATIE: Kumusta na nga pala Dad mo?

ARIES: Ok naman siya. Kaya lang ngayon dumadalas ang topak...pero tolerable naman...

KATIE: Ah...


At habang kumakain sila, biglang napakwento si Aries...


ARIES: Alam mo, Katie...gusto kong magdoktor dahil nagbabakasakali akong pag naging doktor ako, magagamot ko na ang Daddy. Kaya naman ako nag-shift sa kursong Psychology...ikaw ba, ba't ka ba nag-Psych?


KATIE: Nung una naman kasi, di ko trip yung Psych. Kaya lang naman ako nag-aral dito kasi nga UP...ayun...

ARIES: Eh ngayon ba, ayaw mo pa rin ng Psych?

KATIE: Ok na ko sa Psych...wala na kong magagawa nuh. Second year na ko magshi-shift pa ba ako. Tsaka marami namang kasiyahan ang naidulot sa kin ng Psych...


Nang matapos na silang kumain...


ARIES: Uuwi ka na ba?

KATIE: Oo...gabi na eh.

ARIES: Taga-saan ka ba? Hatid na kita...

KATIE: Naku, hindi na, Aries. Taga-Vicas, Caloocan pa ko at malayo yun mula rito...

ARIES: Tss! Ano pa at naging boyfriend mo ko?

KATIE: Sus! Eh kaso po hindi naman kita tunay na boyfriend eh! Tsaka wala tayo sa UPEPP ngayon para magpanggap tayo ngayon..

ARIES: Kahit na nuh! Kahit na wala tayo sa UPEPP, kelangan na nating sanayin ang sarili natin para maging realistic ang pagpapanggap natin sa second sem. Tsaka sa laki ba naman ng mata ng Eunice na yon eh baka nakikita niya tayo ngayon... Di mo rin masasabi...


Natawa na lang si Katie...

At naglakad sila papunta sa motorcycle parking lot kung saan naka-park ang motorsiklo ni Aries...

Ngayon lang nabigyan ng pansin ni Katie nang husto ang motor ni Aries. "Yamaha Motor" ang tatak nito. Magkahalong orange at black ang kulay nito. At sa gilid ng upuan, nabasa niya ang nakatatak na "Crypton Z"...

At makalipas ang ilang sandali...binabaybay na nina Aries at Katie ang kahabaan ng EDSA sakay ng motorsiklo na minamaneho ni Aries...


Di tulad ng mabilis na pagda-drive noon ni Aries noong si Melanie ang sakay niya, marahan lamang ngayon ang patakbo niya ng motor...

ARIES: Hay...may mga MMDA pala rito sa EDSA...baka maakusahan pa kong overspeeding pag binilisan ko at kotongan pa ako ng MMDA pag nahuli kami..


Samantala...nakayakap si Katie sa likod ni Aries...at habang umaandar sila...


KATIE: Ang bango naman ni Aries...para siyang chocolate na ang sarap kagatin tulad nung sa commercial ng Axe..hehehe...


At habang binabaybay pa nila ang EDSA...


KATIE: Sana...taliwas sa napakabilis na pagpapatakbo ni Aries ng motor niya...bumagal sana ang oras upang magtagal pa ang pagsasama naming dalawa...

ARIES: Oi, Katie...OK ka pa ba? Di ka ba nahihilo?


Nagulat si Katie. Di niya kasi aakalain na kakausapin siya ni Aries...


KATIE: Uhm, Aries... Medyo nahihilo ako...pwedeng medyo bagalan mo yung pagpapatakbo ng motor mo?

ARIES: Ganun ba? Sige...babagalan ko ng kaunti...tsaka...ihiga mo na lang sa balikat ko yang ulo mo para di ka masyadong mahilo...


Binagalan nga ni Aries ang motor ng kaunti at inihiga ni Katie ang ulo niya sa balikat ni Aries...


Pero mabagal na nga kung tutuusin ang pagpapatakbo ni Aries ng motor nung una pa lang at di naman talaga nahihilo si Katie...pumaparaan lang siya kay Aries..hehehe...


Nang marating na nila ang bahay ni Katie, bumaba na si Katie ng motor..


KATIE: Aries, salamat nga pala sa paghatid tsaka sa panlilibre mo sa akin. Gusto mo...tuloy ka muna sandali sa bahay?

ARIES: Hindi na...salamat na lang...

KATIE: Happy Birthday nga pala ulit...

ARIES: Katie...salamat nga pala for being with me on my special day... (sabay ngiti ito)


Nangiti rin si Katie... At malapit nang malaglag ang puso niya sa lakas ng tibok ng puso niya dahil sa sobrang kilig...


TO BE CONTINUED...