Episode 16: Ang Engkwentro

IGGY: Girlie, are you insane?!?!


Tapos nang makipag-usap si Girlie sa pinsan niya sa cellphone. Pinagmamasdan pa rin nina Girlie at Iggy sina Katie at Aries sa ice skating rink...


IGGY: The hell do you care naman kung sina Katie at yung lalakeng yon talaga!

GIRLIE: I care! Naku, kung wala kang pake pwes ako meron! Feeling ko...iniligtas lang siya ng kung sinumang lalakeng yon kanina sa kahihiyan.. Nakita mo ba yung reaksyon ni Katie nang magpakilala yung lalake na bf niya "raw." Parang nagulat pa siya!


IGGY: Girlie, please drop it off!

GIRLIE: Bakit? Nai-insecure ka dun sa lalake nuh? Kasi naipagpalit ka agad ni Katie sa mas gwapo pa sa'yo...

IGGY: Ewan ko sa'yo. Bahala ka na sa buhay mo! (sabay walk-out ito)

GIRLIE: Uy... bhe.. anatayin mo ko..wait! (sabay habol kay Iggy)


Sa ice skating rink naman...tinuturuan ni Aries si Katie na mag-ice skating.

Hinahawakan pa ni Aries ang kamy ni Katie habang tinuturuan siya ni Aries na mag-balance...


ARIES: Basta isipin mo na walang dalawang manipis na blade sa ilalim ng sapatos mo...isipin mo, flat ang sapatos mo at gusto mong idulas ang mga paa mo sa flat surface...


Pero di naman ma-absorb ni Katie ang mga turo ni Aries...dahil masyadong kinikilig si Katie sa hawak ni Aries...


KATIE: Sana katulad ng mga yelo dito...mag-freeze din ang moment na'to namin ni Aries...


Napansin ni Aries na parang tulala si Katie at di nakikinig kaya ginulat niya ito..


ARIES: Huuuuyyy!!! Katie! Nakikinig ka ba?

KATIE (gulat): Ay...ano na nga ba sinasabi---Ay--oo nakikinig ako!

ARIES: Talaga lang ah? Sige nga, gawin mo nga yung sinabi ko...


At binitiwan na ni Aries si Katie. Pagkabitaw ni Aries, nabigla si Katie kaya agad na tumumba si Katie...una bagsak pwet...


KATIE: Aray ko po! Ariestotle naman eh!

ARIES: Sowry naman...akala ko ba nakikinig ka? Ba't tumumba ka?

KATIE: Kasi naman, beginner pa lang ako... (at ginaya niya ang pagsasalita ni Aries ng...) Sowry naman...


Marunong mag-ice skating sina Melanie at Destiny. Nagkukwentuhan pa silang dalawa habang naga-ice skating...


DESTINY: Naalala ko talaga nun...di ako marunong dati mag-ice skating... Kung di lang ako tinuruan nun ng boyfriend kong si Phol... Ikaw ba, Melai? Don't tell me si Jerome nagturo sa'yo...

MELANIE: Naku, wish ko lang! Si Regina (besfren ni Melanie na nakalipat na ng UPD) lang nagturo sa akin...nung bakasyon lang...


Anywhere, maraming bumabagsak na Psych 2A at 2B habang naga-ice skating...kaya marami rin ang pagtatawanan.... :p


Si Ma'am Bognot naman ay nasa isang tabi lang ng rink, nakasuot ng ice skating shoes pero di naga-ice skating...


MA'AM BOGNOT: Mr. Aranas, Miss Madrid, hanggang dito ba naman partners kayo?!

ARIES: Ay, itong si Ma'am...naiingit! Why don't you join us?

MA'AM BOGNOT: Ay naku, wag na! Masira ko pa moment niyo ni Miss Madrid...

KATIE: Buti alam niyo Ma'am... :p


Nang matapos ang pag-a-ice skating, nagpaalam na si Aries...


KATIE: Aries, thank you talaga ah! Sa ice skating tutorial at sa pagtatanggol sa akin kanina...

ARIES: Don't mention it... Sige, mauna na ko sa inyo...

DESTINY: Ingat!

KATIE: Pakisabi sa Daddy mo, Happy Birthday ulit.

ARIES: Sige... (at ngumiti ito)


At napatingin si Aries kay Melanie na halatang umiiwas ng tingin kay Aries...


Napansin ni Destiny na nakatingin si Aries kay Melanie kaya...


DESTINY: Hoy, Melai! Di ka man lang ba magte-thank you or magpapaalam man lang kay Aries?

MELANIE: Tsss...

ARIES: Sige na..Hindi na Destiny...mauna na ko. Ingat din kayo...


At umalis na si Aries... Nang makaalis na si Aries...


Nang nakasakay na sila sa shuttle bus nila pauwi...


DESTINY: Oh, Lorraine, kumusta date niyo ni Mark?

LORRAINE: OK lang. Masaya naman date namin. Ang aga naman kasi ng call time ni Ma'am! Nga pala, pinapakamusta niya rin kayo...

KATIE: Oh, Corrine..ano naman ang nadiscover mo sa Discovery Zone??

CORRINE: Naku, marami.. Sa dami eh pwede na kong gumawa ng encyclopedia! Oh kayo naman, ano ginawa niyo?


At kinuwento nila ang pagpapanggap ni Aries na bf siya ni Katie dahil nakita nila ang ex-bf ni Katie kasama ang gf nito; ang pamilya ni Aries lalo na ang tatay nitong may Alzheimer's; at ang ice skating...


LORRAINE: Ah...sa MOA rin pala pupunta sina Aries... Pero kawawa naman Daddy niya.. Alzheimer's at a young age?!

MELANIE: OO nga eh...

DESTINY: Naaawa ka sa dad ni Aries pero si Aries di mo man lang mapatawad?

MELANIE: When hell freezes over!

CORRINE: Oh, Katie wala ba kayong balak ni Aries na totohanin ang pagpapanggap niyo? Ang sweet niyo kanina sa ice skating rink ah! Hiki!

KATIE: Asa naman! Kayo naman, tinulungan lang ako ni Aries...at alam naman nating lahat kung sino ang gusto nun...

MELANIE: Pwede ba...Ang mga usapang ganyan ay di angkop para sa ating mga kabataan...Parental Guidance is recommended! :p


Pero kumanta si Destiny ng Kiss Me, nanahimik na lang si Melanie...


Nangiti na lang si Katie...dahil sa isang banda ng puso niya na pilit niyang pinipigilan...umaasa siya na sana...may pagtingin sa kanya si Aries...

*******************

Mabilis na dumaloy ang oras at OCTOBER NA....


KATIE: Hay naku...mula nung nag-October, my nights are becoming sleepless...my days are becoming restless...

DESTINY: Hala, friend.. LOVE yan!


Naisip bigla ni Katie si Aries...pero pilit niya rin itong iwinaksi...


MELANIE: Naku, Des, anung love-love ang pinagsasasabi mo dyan! Love ka dyan! Katie, FINALS na kaya ka nagkakaganyan! Love ka dyan!


The night before ng Zoo Lab Exam nila, nagrereview sina Katie, Melanie, Destiny at Lorraine sa table lounge ng Hotel Lakandula...


Nagrereview rin ang ibang dormers para sa kani-kanilang finals...


MELANIE: Haaaaaahhhh! (hikab) Oi...di ko na talaga kaya... Baka mag-kokak na ko kakareview sa mga palakang yan!

DESTINY: Bukas na lang ko itutuloy pagrereview nga rin.. Maga-alarm na lang ako...


At pumasok na sina Melanie at Destiny ng kwarto at natulog...kaya sina Katie, Lorraine at iba pa ang natitira sa mesa at nagrereview...


Just then, may tumawag sa cellphone ni Lorraine...sinagot niya ito...


LORRAINE: Hello, oi, Mark? Napatawag ka? Ginagawa ko? Nagrereview for Zoo... Ito nandito rin si Katie...Kausapin mo? Sige.. (kay Katie) Katie, kumustahin ka raw ni Mark...


At kinausap sandali ni Katie si Mark sa cellphone, pagkatapos ay binigay na kay Lorraine ang cellphone...


LORRAINE: Oh, ayun...o napatawag ka?


At lumabas si Lorraine sa veranda para kausapin si Mark sa cellphone.


KATIE: Naku, si Lorraine talaga...tumawag lang si Mark nalimutan na ang pagrereview..


At nagsimula na ring humikab si Katie... At habang humihikab siya, biglang lumabas si Aries sa kwarto niya....


Pinigilan bigla ni Katie ang paghikab para hindi makita ni Aries... Na-consciuos bigla? Hehehe...


ARIES: Nagrereview ka ba for Zoo natin bukas, Katie?

KATIE: Oo...

ARIES: Sige..sabayan na kita mag-review... (sabay umupo ito sa bakanteng upuan sa tabi ni Katie na kanina ay inuupuan ni Destiny)


At tahimik silang nagreview... At habang binabasa ni Aries ang Zoology book niya, napansin niya sa peripheral vision niya na humihikab na si Katie...


ARIES: Inaantok ka na ba?

KATIE (pinigil ulit ang hikab): Ha?! Hindi... Humihinga lang ako gamit ang bibig ko..alam mo na..para maiba naman..palagi na lang kasi tayo sa ilong humihinga eh.. :p


Napangiti na lang nang lihim si Aries... at nagpatuloy na siya sa pagrereview...


KATIE: Uhm...Aries?

ARIES: Bakit?

KATIE: Pwede...bang...ano..uhm...magpaturo sa'yo?

ARIES: Sure (sabay ngiti). Ayun din sana itatanong ko sa'yo kaya lang nahihiya ako... Sige, double review tayo..para mas madali...


At nagtanungan nga ng mga parte ng palaka sina Aries at Katie. Sa lab manual, tinatakpan ni Aries ang mga label ng parts ng palaka para i-dentify ni KaTIE...


Aba! At himalang nasasagot mostly ni Katie ang bawat tanong sa kanya ni Aries... INSPIRED eh!


Ganun din ang ginawa ni Katie kay Aries. Nasagot lahat ni Aries ng tanong ni Katie...na ikina-inlove ulit ni Katie kay Aries...hehehe...


Lumipas ang ilang oras...di na maikakaila pa ni Katie na inaantok na siya. Habang nagbabasa, bigla na lang niyang binaba sa table ang Zoo book niya at nilatag ang mga kamay niya sa ibabaw ng book at nagsimula nang makatulog...


At napansin ito ni Aries...nangiti na lang siya... At bigla na lang, bigla na rin siyang napahikab...


At napansin ni GlennLloyd ang paghikab ni Aries kaya...


GLENNLLOYD: Kuya Aries, inaantok ka na rin yata?

ARIES (pinigil ang hikab): Ha?! Hindi nuh... Humihinga lang ako gamit ang bibig ko..alam mo na..para maiba naman..palagi na lang kasi tayo sa ilong humihinga eh.. :p


Pero tulad ni Katie, di na rin napigilan ni Aries ang antok kaya nakatulog din ito kakareview sa mesa...sa tabi ni Katie...


Si Lorraine naman, pagkatapos kauspin si Mark sa cellphone, pumasok na siya sa loob. Pagkapasok niya, napansin niyang sina Katie at Aries na lang ang nasa table lounge at tabi pang natutulog sa mesa...


Ang ibang dormers ay natutulog na sa kani-kanilang kwarto...


Napangiti na lang si Lorraine sa nakita... At hindi na siya nag-bother na gisingin pa sina Katie at Aries habang kinukuha ang Zoology Manual niya sa table...


Madaling araw na nang maalimpungatan si Katie at napagtanto niyang nakatulog na pala sila ni Aries sa lounge.


Ginising ni Katie si Aries...nagulat si Aries nang gisingin siya ni Katie... Pagkatapos niyon....sabay na bumalik sa kani-kanilang kwarto ang dalawa...


Kinaumagahan, finals na nila sa Zoology Lab. Ang finals nila ay i-identify ang parts ng frog na nakabulatlat at naka-aspile ang parts na kailangan nilang i-identify... Tig-isa sila ng frogs...




Todo-sagot lang ang lahat ng Psych 2A ng parts ng frog tulad ng:

rectus femoris anticus

pectoralis epicoracoidea

scrapalonumeralis

gasrocnemus...


Nang matapos na ang mala-out of this world na finals sa Zoo...


ROSE ANN: Grabe...sumakit ulo ko sa Zoo Finals!

MELANIE: hAY...AKO naman nalango sa formalin...

DESTINY: Hay...baka bumagsak ako...

KATIE: Ako rin babagsak...for sure naman sina Rose Ann at ang tropa niya ang papasa...

ROSE ANN: Hindi naman... Lahat tayo papasa niyan!

ARIES: Tsaka, Katie... pag bumagsak ka...para mo na ring sinabi na di ako effective na lab partner. Nag-review-han pa nga tayo, di ba?

LORRAINE: Ay oo nga! Sa kakareview niyo eh magkatabi na kayong natulog!

PSYCH 2A (gulat): Ano!?


Namula sina Katie at Aries...


LORRAINE: Uhm...ang ibig kong sabihin eh magkatabing nakatulog sina Aries at Katie sa table ng lounge ng boarding house namin... Yung idlip lang kung baga...

PSYCH 2A: Aaaaahhh...

ARIES: Ikaw naman kasi Lorraine...ayusin mo nga pagkukwento mo. Kung anu-ano tuloy naiisip ng blockmates natin...


Makalipas ang ilang araw, kumuha rin sila ng finals sa Histo 1 under ni Ma'am Bunye...


MA'AM BUNYE: Ngayon, finals na natin sa Histo 1. May dalawang tanong ako na isusulat sa board pero isa lang ang dapat na sagutan niyo. Maliwanag? May tanong? Noh...hmmmmm?


Nagtaas ng kamay si Miguel...


MIGUEL: Ma'am...pwede pong pakiulit ng instructions? Di ko po maintindihan...

MA'AM BUNYE: Iho...ayoko ng replay! Ilang beses ko bang sasabihin sa inyo na makinig nang mabuti dahil ayokong nag-uulit...balah...blah..blah...


At pagkalipas ng mahabang litanya ni Ma'am Bunye tungkol sa "ayaw niya ng replay"...


MA'AM BUNYE: So ngayon, finals na natin sa Histo 1. May dalawang tanong ako na isusulat sa board pero isa lang ang dapat na sagutan niyo. Maliwanag? May tanong? Noh...hmmmmm?


MIGUEL: Sus! Ma'am Bunye talaga! Nag-litanya pa ng pagkahaba-haba magrereplay din pala ng instructions! Ayaw niya nga ng replay!


At sinulat na ni Ma'am Bunye ang mga tanong sa blackboard...

*************

#1: Ibigay ang mga buong pangalan ng mga sundalong bumaril kay Rizal. May bonus pag nasulat pati middle name ng mga ito...

*************

Napakunot at nagkatinginan ang buong klase pagkasulat ni Ma'am Bunye ng Question #1.


KATIE: Panginoon ko!

*************

#2: Ano ang "seven last words" ni Yamashita bago siya patayin ng mga Amerikano?

*************

Napangiti naman si Aries pagkakita ng Question #2... at nagsimula na siyang magsulat sa bluebook niya ng...

"日本においては、ひとつの漢字には多くの異なる発音があることが多い。また、ある発音を持つ漢字が多数あることも珍 "


ARIES: Tignan lang natin kung hindi duguin si Ma'am Bunye sa sagot ko... Bwahahahahaaha!


***************

OCTOBER 8: Last day na ng first sem... Nasa waiting shed sa tapat ng UPEPP ang halos lahat ng Psych 2A...


KATIE: Hay...salamat! Tapos na rin sa wakas ang SEM na ito! Makakauwi na ko ng Manila!

DESTINY: Hay...sa wakas. Malalanghap ko na ring muli ang sariwang hangin ng Batangas! Ala eh! (taga-Batangas si Destiny)


Just then, may tumigil na kotse sa tapat nila... at biglang bumukas ang bintana ng kotse at isang babae ang driver nito...


BABAE: Ui, Rose Ann, Gwyneth...sabay na kayo sa kin...

ROSE ANN: Hala..ok lang ba, Eunice?


Ang babaeng iyon pala ay si Eunice...ang pinsan ni Girlie... High School classmate nina Rose Ann at Gwyneth si Eunice...

May malaking mata itong si Eunice...kung baga...para siyang mata na tinubuan ng katawan!

EUNICE: Oo naman...


Bago sumakay, nagpaalam sina Rose Ann at Gwyneth kina Katie...


GWYNETH: Uy, Katie..Des...Melai...Aries...guys..una na kami..

KATIE: Sige, ingat...


Napatingin naman si Eunice kina Katie at Aries. Napansin ito ni Aries kaya kinausap niya si Eunice...


ARIES: Uh..Miss..matanong ko lang..ba't ka ganyan makatingin sa amin ni Katie?


Napangiti si Eunice...


EUNICE: Tama nga si Girlie...gwapo ka nga... Are you Aries, right?


Natigilan lahat ng Psych 2A sa inaasta ni Girlie... Nagulat naman si Katie na kilala pala ni Eunice si Girlie...


Mukhang nabasa naman ni Eunice ang pagtataka sa mukha ni Katie kaya...


EUNICE: Kung nagtataka ka naman, Katie kung paano ko nakilala si Girlie...Pinsan ko si Girlie... And it happens na gusto niya kayong kumustahin ng boyfriend mo...


KATIE: Boyfriend?!! Wala naman---


At naalala ni Katie ang huli nilang engkwentro ni Girlie sa MOA kung saan nagpanggap si Aries na boyfriend niya...


Kaya sa halip na sasabihin sana ni Katie na "Wala akong boyfriend...." Iniba na lang niya ang sinabi niya...


KATIE: Wala naman kaming problema... Pakisabi sa pinsan mo salamat sa pangungumusta...


At lumapit si Aries kay Katie at hinawakan ni Aries ang kamay ni Katie...


Sumakay na sina Rose Ann at Gwyneth sa kotse ni Eunice at umalis na ito...


MELANIE: Tsk..tsk..tsk... Pati ba naman sa UPEPP may alipores yang Girlie na yun!

ARIES: Katie...mukhang may kelangan tayong gawin ngayong nalaman natin na may mga mata pala si Girlie dito sa UPEPP..

KATIE: Ano naman yun?

ARIES: Magpanggap tayo na...na.... mag-boyfriend tayo....

TO BE CONTINUED...