Episode 28: Star City

******** SUPER-DOOPER LATE NA CHRISTMAS at NEW YEAR SPECIAL EPISODE..hahahaha *************

Iniwanan ni Jerome sina Aries at Melanie sa parking lot at pumasok na siya sa Off the Grill.


Akap pa rin ni Aries si Melanie at inaalo ang likod...


Makalipas ang ilang minuto, nakatambay na sina Aries at Melanie sa motorsiklo ni Aries. May luha pa sa mga mata ni Melanie...


MELANIE: Aries, thank you for comforting me.

ARIES: Sino ba yung lalakeng yun ah!? Ang lakas ng loob niyang paiyakin ka ah!

MELANIE: Si Jerome yun...ang lalakeng minahal ko ng sobra mula nung high school kami...


Bumuntong-hininga si Melanie.


MELANIE: Manhid yung lalakeng yun eh! Ewan ko ba kung bakit patuloy ko pa siyang minamahal eh. Tapos ewan ko ba...ba't ngayong gabi...di ko alam kung anong demonyo ang pumasok sa akin nagawa kong umamin sa kanya...


ARIES: Alam mo, Melanie...regaluhan mo nga yang gagong Jerome na yan ng eyeglasses! Ang labo ng mata eh! Sa ganda mong ‘yan ‘eh hindi ka man lang mapansin ni Jerome!


Di naman maikaila ni Aries na lalong lumalakas ang tibok ng puso niya...ngayong kasama niya si Melanie...at nakakausap...


MELANIE: Naku, doktor na kailangan niyan! Di na lang malabo ang mata niya...tuluyan na siyang BULAG sa Maricar na yun!


ARIES: Parang ikaw... BULAG ka rin naman eh!

MELANIE: Ganun? Bulag ako? Dahil alam kong hindi naman ako mahal ni Jerome pero patuloy ko pa rin siyang minamahal?

ARIES: Oo...tsaka di mo rin pansin na may mga taong handa kang mahalin di tulad ng Jerome na yan...marahil nandyan lang siya sa paligid pero di mo lang nakikita... BULAG ka rin kasi eh...


Gusto sana pang kontrahin ni Melanie si Aries pero wala na siyang lakas...pero nahiwagaan siya sa sinabing iyon ni Aries...


Di naman aakalain ni Aries na masasabi niya iyon kay Melanie...matagal niya na itong gustong sabihin kay Melanie...


Bigla na lang nanginig si Melanie sa sobrang lamig...naka-sleeveless pa man din si Melanie...


Napansin ni Aries na nilalamig si Melanie kaya hinubad niya ang U.P. jacket niyang suot at isinuot kay Melanie...


Nginitian ni Melanie si Aries...


MELANIE: Salamat, Aries...

ARIES: Wala yon...


At saglit silang natahimik...


ARIES: Siguro naman...di ka na galit sa akin nyan?


Nawala sa isip ni Melanie nung mga panahong iyon na galit pala siya kay Aries...


MELANIE: ...

ARIES: Melai?

MELANIE: Oo na! Di na ko galit sa'yo. Tutal malapit nang mag-Christmas kaya kailangan nang magpatawad... :)

ARIES: Ganun? Naku 'to! Inantay pang mag-Xmas bago ako napatawad! :)

MELANIE: Ayaw mo nun? Parang ayun na ang gift ko sa'yo. Di ba nga sabi sa isang Xmas song...ang da best na regalong ibigay ngayong Pasko ay "pagpapatawad"...

ARIES: Tss..wala namang ganung Xmas song! Nag-iimbento 'to!


At nagtawanan sina Melanie at Aries. Habang nagtatawanan sila, may batang pulubi na lumapit sa kanila...


BATA: Kuya, Ate, pwede po bang mangaroling sa inyo?

ARIES: O sige... Gandahan mo kanta mo ah para mas mataas bigay ko sa'yo...


At nagsimula nang mangaroling ang bata...pero wala namang boses na lumalabas sa bibig nito...


Nagtaka sina Melanie at Aries sa ginagawa ng bata...


At bigla na lang...


BATA: Namamasko po... (at inilahad niya ang kanang kamay niya para manghingi ng pera)


MELANIE: Teka...di naman namin narinig yang kanta mo eh!

BATA: Kumanta po ako. Christmas song po ang kinanta ko...

MELANIE: Eh sa wala nga kaming boses na narinig eh. Ano ba yung kinanta mo?

BATA: "Silent Night" po yung kinanta ko...kaya silent din po yung pagkakakanta ko... :p


At dahil natuwa sina Aries at Melanie sa bata, binigyan nila ito ng tig-sampung piso...


Umalis na yung bata at makalipas ang ilang minuto, narinig nila ulit ang tugtugan sa Off the Grill. Rinig ni Melanie na si Jerome na ang kumakanta...


MELANIE: Aries, I think kelangan ko na umuwi...

ARIES: Ganun? Hatid na kita...Paalam lang ako kay Ate Ariana...

MELANIE: Naku, wag na...magta-taxi na lang ako...

ARIES: Hindi. Ihahatid na lang kita...


Pero naka-para na ng taxi si Melanie at tumigil na ito sa harap nila...


MELANIE: Sige na, Aries. I have to go. Maraming salamat nga pala ulit...


Huhubarin na sana ni Melanie ang jacket pero...


ARIES: Sa'yo muna yang jacket ko. Malamig ang panahon ngayon...baka ka sipunin.


Ngumiti na lang si Melanie...


ARIES: Tsaka ito nga pala...


Kinuha ni Aries ang wallet niya sa bulsa sa likod ng pantalon niya at dumukot ito ng Php 500 at inilagay sa kamay ni Melanie...


ARIES: Ito na ang ipamasahe mo sa taxi oh...

MELANIE: Aries, may pamasahe naman ako...para mo namang sinabi na wala akong pera.

ARIES: Hindi naman sa ganun. Sige na...kunin mo na yan.

MELANIE: O sige na nga...kung talagang mapilit ka...kukunin ko na 'tong 500 pesos. Sige, Aries..salamat ulit ha...

ARIES: Sige. Ingat ka!

MELANIE: Ingat ka din!


At sumakay na si Melanie sa taxi...


MELANIE: Manong, sa Fairview ho...


Kumaway siya kay Aries bilang pagpapaalam at pagpapasalamat. Kumaway din si Aries...At umandar na ang taxi...


Sinundan ni Aries ng tingin ang taxi hanggang sa di na ito makita...


At bigla na lang nakaramdam ng lamig si Aries at nanginig ito...


ARIES: Hayy...grabe naman itong lamig ng panahon na'to...NAKAKAKILIG.. :p


Samantala, sa loob ng taxi, tinext ni Melanie si Gab...


MELANIE: {gab, nauna n kong umuwi. pls. tell d others n lng. senxa na.}


At inalala ni Melanie ang nangyari sa kanila ni Jerome kanina...at ang pag-comfort sa kanya ni Aries kanina..at ang pagbibigay sa kanya ni Aries ng 500 pesos...


MELANIE: Hay..buti na lang at binigyan ako ni Aries ng pera. Wala naman talaga akong pang-taxi. May "patanggi effect" kuno pa ko para naman di ma-obvious ni Aries na wala naman talaga akong pera...hahaha!

*************************

Mula nang magkabati sina Melanie at Aries, lagi na silang magka-text.


ARIES: {gud morning, melanie! God bless! ü}


Napangiti na lang si Melanie nang mabasa ang text na iyon ni Aries...pero napawi rin ito agad...


MELANIE: Mukhang di ko na yata ulit makikita sa Inbox ko ang pangalang Jerome... :(


Mula nung umamin siya kay Jerome, di na ito nag-text sa kanya...


MELANIE: Di na rin yata siya nagmi-missed call...tulad ng lagi niyang ginagawa pag gusto niyang makipagkwentuhan sa akin tungkol sa kanila ni Maricar...


Napatingin si Melanie sa mga teddy bear niyang nakadamit-pangkasal...at bumalik sa alaala niya nang minsang inihagis niya ang dalawang teddy bear na yun dahil naalala niya dun sina Jerome at Maricar...


MELANIE: Wala na yata akong dapat pang asahan kay Jerome. Ngayong magba-Bagong Taon na...siguro kelangan ko nang mag-move on... I need to move on ALONE.


At binura ni Melanie ang mga dating messages ni Jerome sa cellphone niya...kahit masakit...kahit labag sa kalooban niya...kailangan niyang gawin iyon...para sa ikabubuti niya rin iyon...


At ang matindi...binura niya na pati number ni Jerome sa contacts niya....


At bahagyang natawa si Melanie sa ginawa niya...


MELANIE: Bubura-bura pa kong nalalaman...kabisado ko naman number niya...


At naisipang mag-blog ni Melanie...dahil sa sobrang sakit na nararamdaman niya para kay Jerome...


***************
AUTHOR'S NOTE:

Read Melanie's makabag-damdaming blog on moving on. Matutuwa kayo rito...at mata-touch dahil tagos sa puso ang nilalaman nito...hehehe...


LINK: Better off

***************

Umaga ng January 1, 2009. Magka-text sina Melanie at Aries nang biglang may ibang nag-text kay Melanie...


Si Regina ang nag-text...ang besfren niya na klasmeyt niya nung high school sila na naging klasmeyt niya rin sa UPEPP nung freshie sila na nakalipat na ng UP Diliman nung sophies na sila.. (woohhh..haba ng description..hahaha)


REGINA: {melai, may reunion dw sa star city yung section ntn nung 4th yr tau sa jan 3..sama k?}


Re-replyan na ni Melanie ang txt ni Regina nang biglang nag-text si Aries...


ARIES: {oi, still der?}


Naguluhan si Melanie sa mga nagtetext sa kanya kaya na-wrong sent siya. Ang reply niya kay Regina dapat ay na-send niya kay Aries...


MELANIE: {oo...sma ako, kita kits tau ah..miss u gina! ü}


Nagtaka naman si Aries sa reply ni Melanie kaya...


ARIES: {oo...sma ako, kita kits tau ah..miss u gina! ü...-wrong sent ka! San ka sasama? ü}


MELANIE: {sori nman...ah..kasi may reunion kmi ng hayskul klasmeyts ko sa star city s jan 3..ayun..sasama ako dun...}

ARIES: {ganun? hala...e di magkikita kau dun ni jerome?}


Natigilan si Melanie...nawala sa isip niya na baka sakaling magkita sila ni Jerome dun...di na niya nagawa pang replyan ang txt ni Aries...


Di pa siya handa sa muli nilang paghaharap ni Jerome...


ARIES: {gus2 mo samahan kta sa reunion nyong yan?}

MELANIE: {ha? ano? ba't mo nman ako sasamahan? ma-op k lng dun...wg na.}

ARIES: {xempre...pra makuha ko na ung jacket na pinahiram ko sau...hehehe}


Pero palusot lang yun ni Aries...gusto niyang makasama si Melanie dahil....alam na... hehehe...


MELANIE: {ok lng, cge...pero paalam k muna ky katie...pg pumayag xa..cge sama k..}


Natigilan naman si Aries sa text ni Melanie... OO NGA PALA... Alam ng lahat na girlfriend niya si Katie...


Nawala sa isip niya ang "pagpapanggap" nila ni Katie mula nung magkabati sila ni Melanie...


Nireplyan nya si Melanie...


ARIES: {cge...txt ko xa...}


At tinext ni Aries si Katie...


ARIES: {katie, ok lng b n samahan ko s star city c melai sa s jan 3? my lakad xa dun eh...}


Nakikinig ng kanta si Katie sa cellphone niya (With You by Chris Brown) nang biglang naputol ang kanta...dahil sa text ni Aries...


KATIE: Wiju...wiju...wiju...wiju..wiju...wiju...oh yeah...wiju..wij--- (naputol ang kanta) Naman oh! Bigay na bigay na ko sa pagkanta eh! Sino ba 'tong peste na nagtext na 'to... GM na naman siguro 'to ng New Year's greeting! Naku!


At binasa niya ang txt ni Aries... nagtaka naman si Katie kaya nireplyan niya ito...


KATIE: {ha? sasamahan mo xa? bkt bati na ba kau?}

ARIES: {di p b nya nsasabi sau? bati n kmi..nung ngkita kmi sa xmas party ng officemates ng ate ariana ko..aun}


Si Melanie naman ang tinext ni Katie...


KATIE: {hoi, melai, di ka ngsasabi dyan..bati na pla kau ng ariestotle n un! nkktampo k ah! hmmpp! mgdedate p kau sa saturday! hmmp!}

MELANIE: {ai..sori...di ko nsabi.kala ko nman kc yng bf mo n ang mgsasabi sau..ayun..so ano..payag kb n smahan nya ko?}


Napaisip si Katie... Bati na sina Aries at Melanie...at naalala niya ang isa sa mga kundisyon ni Aries noon bago sila "nagpanggap" na maging magboyfriend...


ARIES: Isa pa pala...ititigil na natin ang pagpapanggap natin....once na napagbati mo na kami ni Melanie....


Lihim na nasaktan si Katie...pero pinawi niya ang nararamdamang iyon at sa halip pinlastik ang sarili na kunwari masaya siya sa pagbabati nina Melanie at Aries...


Nireplyan na nya si Melanie...


KATIE: {ok lng un fren...enjoi sna kau ni aries ah.. :p}


Si Aries nman ang tinext ni Katie...


KATIE: {aries, d mo nmn n kelangan mgpaalam p s kin...di nman "22ong tau" di ba? mag-enjoi sna kau ni melai...diskartehan mo na xa..gudluck :p}


Nalungkot si Katie bigla...ang ganda ng entrada ng Year 2009 niya kasi eh nuh!


At ang kinakanta niyang "With You ni Chris Brown" kanina ay napalitan na ng "Without You ni Charlie Wilson"... :(


****************


Nagtaka ang lahat ng high school friends ni Melanie nang dumating siya sa Star City kasama si Aries...


REGINA: Hoi, Melai...na-miss kita ah!

MELANIE: Ito naman, parang di tayo nagkita nung Lantern Parade sa UP Diliman..hehehe!

REGINA: Pero di mo nasabi sa kin yan ah (sabay nguso kay Aries)

MELANIE: Naku...wag ka ngang mag-isip ng iba dyan! Ito si Aries...boyfriend ni Katie... Sinamahan niya lang ako dito kasi kukunin niya yung jacket niya na pinahiram niya sa akin..ayun...

REGINA: Ah..ikaw pala si Aries... Yes naman si Katie ah..bumobomba sa boyfriend..hahaha! Nice meeting you, Aries...

ARIES: Ikaw din... (at naghandshake sila ni Regina)


At kinamusta ni Melanie ang iba pa nilang kaklase na nandoon...na lahat ay iniintriga sila ni Aries... :p


Tulad ng inaasahan, nandun si Jerome at ang iba pa nilang kabanda... Di niya kasama si Maricar...


Siyempre, di sila nagpansinan dalawa...


MELANIE: Oh, ba't di kasama ng lokong yan yung girlfriend niyang lukaret?

REGINA: May sakit daw sabi niya kaya di nakasama..ayun..

MELANIE: Ganun? Akala ko naputukan na ng five star yung Maricar na yun! Hehehe...


Siyempre...light rides muna ang sinakyan ng iba tulad ng "Wacky Worm" (roller-coaster ride) na sobrang wacky pag nasakyan mo kasi parang wala lang...para ka lang nagpadulas sa playground slide sa sobrang thrilling ng ride..hehehehe (may kakambal pa yan na ride sa second floor na tinatawag namang "Wacky Dragon")... :p


Siyempre...sumakay din ang lahat sa mga makabuhol-bitukang rides tulad ng Star Flyer, maka-iwang kaluluwang tulad ng Surf Dance... makawala-tiyan tulad ng Flying Carpet... at maka-baliktad na mundo tulad ng Xyclone's Loop...







Napansin ni Jerome na sa bawat rides na sakyan nila...parang ang sweet nina Aries at Melanie sa isa't-isa...


Apektado siya sa nakikitang sweetness nina Aries at Melanie...Naiinis siya... naaasar... naaalarma... parang gusto niyang magwala...


JEROME: Syet...walang dahilan para makaramdam ako ng ganito...hindi...hindi...walang dahilan para magselos ako...Wala lang siguro si Maricar kaya ako nagkakaganito...


Si Regina rin ay nagtataka sa ikinikilos nina Melanie at Aries...lalo na sa ipinapakitang sweetness ni Aries kay Melanie...


REGINA: Si Katie ba talaga girlfriend ng lalakeng 'to?


At naisipan nilang sumakay sa "Wild River"... Habang nasa pila...


ARIES: Dala mo ba yung jacket na pinahiram ko sa'yo?

MELANIE: Oo...teka... (at kinuha niya ito sa bag) Oh, ito...kukunin mo na ba?

ARIES:Hindi...hindi muna... Suotin mo yan...baka mabasa ka dito sa Wild River...


Turn na nilang sumakay. Magkasama sa isang "log" sina Aries at Melanie. At umandar na yung log...kinakabahan si Melanie...


At nasa pinakataas na silang bahagi ng ride...at pabulusok na ang log nila sa slide...


Nang padulas na ang log nila...napayakap si Melanie kay Aries sa sobrang kaba...at dumulas na ang log...


Para silang basang-sisiw pagkatapos ng ride....






Magkahawak naman ng kamay sina Melanie at Aries nang subukan nilang pumasok sa "Gabi ng Lagim" horror house...





Sigawan ang lahat sa sobrang takot...


Si Aries naman ang napayakap kay Melanie nang magulat si Aries sa bumangon na bangkay... :p



At naisipan ng lahat na kumain na sa isang pizza stall sa Star City. Nagdadaldalan ang iba samantalang may sariling pinag-uusapan sina Aries at Melanie...






Habang kumakain...nag-uusap sina Aries at Melanie...


MELANIE: Bading ka palang talaga eh!

ARIES: Tss...nagulat lang ako dun sa pesteng bangkay na yun! Nakakagulat naman talaga eh!

MELANIE: Defensive ka ah..hehehehe.. Uy, ito na nga pala yung jacket mo...

ARIES: Ibibigay mo yan sa akin nang ganyan kabasa? Ayoko nga..labhan mo muna!

MELANIE: Ano? Lalabhan ko?! Eh kasi naman...pinasuot mo 'to sa akin bago tayo sumakay ng Wild River! Yan tuloy nabasa...

ARIES: Basta...kunin ko na lang sa'yo yan sa pasukan...

MELANIE: Tss... (ginaya niya si Aries dito)


At saglit silang natahimik...at biglang naalala ni Melanie si Katie...


MELANIE: Sana pala...sinama mo na rin si Katie...para naman nakapag-date kayo...di ba?


Natigilan si Aries sa sinabi ni Melanie... At napaisip ito...


ARIES: Melanie...may sasabihin sana ako sa'yo...tungkol sa amin ni Katie...

MELANIE: Ha? Ano yun?


Nakaramdam ng takot at kaba si Melanie sa sasabihin ni Aries...iniisip niya na baka nag-away sina Katie at Aries nang dahil sa pagsama ni Aries sa kanya...


ARIES: Melanie...hindi totoong "mag-on" kami ni Katie...

MELANIE: Ha? Ano?! Naguguluhan ako...


Bumuntong-hininga si Aries...


ARIES: Nagpapanggap lang kami na "kami"...dahil nga baka asarin siya ni Eunice...

MELANIE: Aries?! Ano bang kalokohan yang pinagsasasabi mo?!

ARIES: Di ito kalokohan, Melanie... Nagkaroon kami ng deal ni Katie na magpapanggap akong boyfriend niya..pero ititigil namin ang pagpapanggap na yon oras na...magkabati tayo...


MELANIE: Magkabati tayo?! At bakit naman?!


ARIES: Melanie... ikaw ang tunay kong mahal...


Sa hinaba-haba ng pag-aalinlangan ni Aries sa kanyang tunay na nararamdaman para kay Melanie...noong gabi ng January 3, 2009 lang niya nasiguradong mahal niya si Melanie...


At naglakas loob siyang sabihin ito kay Melanie...dahil ayun ang sigaw ng kanyang puso...


TO BE CONTINUED...